Алжирде лаңкестердің француз турисінің басын алған видеосы жарияланды
АСТАНА. ҚазАқпарат - Алжир жиһадшылары жексенбі күні тұтқынға алған франциялық турист Эрве Гурдельдің басын алған видеосын жариялады, деп жазады Би-би-си.
Бейнеролик «Франция билігіне қанды ескерту» деген атпен жарияланған.
Кейінірек Франция билігі бұл видеода расымен Эрве Гурдельдің өлтірілген сәті түсірілгенін мойындады.
Бейсенбі күні "Хунд аль-Хилафа" лаңкестік тобы Франция билігіне Иракта әуе шабуылын 24 сағат ішінде тоқтату туралы талап қойған.
Ал өткен аптада Франция АҚШ-пен Ирактағы «Ислам халифатымен» күрес жүргізу үшін одақтасқан болатын.
