Америкалық рэппер Good Boy Killa атауымен GGG жайлы жаңа ән жазып жатыр

АСТАНА. ҚазАқпарат - Америкалық рэппер Марио Руиз Good Boy Killa атауымен Геннадий Головкин туралы жаңа әнін жазу үстінде, ол «Good boy killa» («Жақсы жігіттерді өлтіруші») деп аталады, - деп хабарлады ВКонтакте-де боксшының ресми тобы.

«Тікелей студиядан. GGG барлық жанкүйерлерінің назарына! «Good boy killa» атауымен Головкиннің жаңа әнұраны жазылуда. Егер «Mexican Style» әні сіздердің көңілдеріңізден шықса, бұл ән де жүректеріңізден жол табатыны сөзсіз. 21 ақпанда Головкин - Мюррей жекпе-жегін жіберіп алмаңыздар!», - деп әртіс өз Инстаграм парақшасында жазды.

Еске салсақ, Марио Руис Омар Круспен бірлесіп Геннадий жайында ән жазып, оған клип те түсірген.