Америкалықтар Қазақстанға видеоқұттықтаулар жіберіп жатыр

АСТАНА. ҚазАқпарат - Қазақстан Республикасы мен АҚШ арасындағы дипломатиялық қарым-қатынастың орнауына 25 жыл толуына орай, қазақстандықтар мен америкалықтар видеоқұттықтау әзірледі, деп хабарлады Алматыдағы АҚШ Консулдығы.

«2016 жыл бойы біз АҚШ пен Қазақстан арасындағы дипломатиялық қарым-қатынастың 25 жылдығын тойладық. Тіпті ғарыштан да құттықтаулар келіп жетті. Енді америкалықтар мен қазақстандықтар АҚШ-тың түкпір-түкпірінен құттықтау видеоларын жіберуде! #USKZ25», - деп жазды дипломатиялық өкілдік өзінің фейсбук парақшасында. Құттықтаушылар «25 жыл бірге» логосымен фотоға түсті және қазақ, ағылшын және орыс тілдерінде құттықтады.

Еске сала кетсек, 1991 жылы 25 қыркүйекте АҚШ Қазақстан Республикасының тәуелсіздігін таныған үшінші мемлекет (Түркия мен РФ кейін) болды. Құрама Штаттар Қазақстанда елшілігін ашқан алғашқы мемлекет болды. 1992 жылы қаңтар айында Алматыда ашылған елшілік 2006 жылы Астана қаласына көшірілді. 2009 жылы АҚШ Алматы қаласында Бас Консулдық ашты. Қазақстан Республикасының тәуелсіздігі жылдары тараптар құрылымдық екіжақты қарым-қатынас орнатты.