Американдық суретші-робот жасап шығарды

АСТАНА. 13 қараша. ҚазАқпарат - Лос-Анджелес суретшісі Маттиас Дорфелт Robo Faber есімді робот жасап шығарды.

Ол абстракционизм рухындағы ешқашан қайталанбайтын және бірегей суреттер салады.

Ол үшін роботқа кездейсоқ алгоритмді бағдарлама орнатылған, деп хабарлады «Подробности» порталы.

Robo Faber-дің әр суреті аяқталған болып көрінеді, робот өзінің әрбір келесі қимылы жайлы ойлап, тұтас бір бейнені таңқаларлықтай бірқалыпты сызықтармен салады. Бұл картиналардың мағынасы жоқ болғанымен, олар табиғи болып көрінеді.

Суретші алдағы уақытта өзінің кішкентай роботы нағыз өнер туындыларын жасауы үшін оны жетілдіруді көздеп отыр.