Американың жаулары Интернеттегі Пентагонның құпияларын зерттеуде
АСТАНА. Тамыздың 13-і. ҚазАқпарат - «Тәлібтер мен «Әл-Кайеда» содырлары «Викиликс» сайтында жария болған АҚШ пен НАТО-ның Ауғанстандағы соғыс туралы құпия құжаттарының мазмұнын зерттеу туралы бұйрық алыпты. Мұндай құпия деректердің жұртшылыққа жария болуының салдары өте ауыр»,- деп мәлім етті АҚШ қорғаныс министрі Роберт Рейтс. Бұл туралы «Маяк» радиосы» хабарлап отыр.
Жақында АҚШ армиясының Ауғанстандағы әрекеттері туралы 77 мыңдай құпия материалдардың «Викиликс» интернет-порталына шығып кеткенін ҚазАқпарат бұдан бұрын хабарлаған болатын. Сайтта Вашингтон бастаған коалиция жүргізіп жатқан соғыс туралы баяндайтын біраз маңызды құпиялар жария болған. Ол мәліметтердің ішінде - бейбіт халықтың көптеп қырылуы, пәкістандық арнайы қызметтердің «Талибан» қозғалысын қолдап отырғаны туралы мәліметтер, сондай-ақ тәлібтердің батыс коалициясының авиациясына қарсы «жер-ауа» зымырандарын қолдану фактілері келтіріледі.
Айта кететін жайт, "Викиликс" интернет сайты «ауғандық досьедегі» тағы бірнеше мың құпия құжатты жарияламақ.
