Amnesty International Израильді Газа секторында геноцид жасады деп айыптады
АСТАНА. KAZINFORM – Amnesty International құқық қорғау ұйымы бейсенбі күні жарияланған баяндамада Израильді ХАМАС-пен соғыс кезінде Газа секторында геноцид жасады деп айыптады. Бұл туралы Kazinform агенттігінің меншікті тілшісі хабарлады.

Құқық қорғау ұйымының 296 беттен тұратын баяндамасы «Израильдің Газа секторындағы палестиналықтарға қарсы геноциді» деп аталады. Онда Израильдің қазіргі әрекетін палестиналық Хамас тобының 2023 жылдың 7 қазанында жасаған шабуылымен ақтауға болмайтыны жазылған.
Amnesty International АҚШ пен Израильдің басқа одақтастарының геноцидке қатысы болуы мүмкін екенін айтып, оларды қару-жарақ жеткізуді тоқтатуға шақырды.
- Біздің тұжырымдар халықаралық қоғамдастықты оятып, бұның геноцид екендігін дәлелдеу қажет. Сондықтан оны дереу тоқтату керек, - деді Amnesty International басшысы Аньес Калламар.
Израиль геноцид туралы айыптауларды үзілді-кесілді жоққа шығарды.
- Amnesty International ұйымы тағы да жалған есеп берді. Өткен жылдың 7 қазанында геноцидтік қырғынды Хамас лаңкестік ұйымы біздің азаматтарға қарсы жасады. Содан бері Израиль халқын күн сайын жеті түрлі майдан шебінен шабуыл жасалады. Израиль халықаралық құқыққа сәйкес бұл шабуылдардан өзін қорғайды, - деп хабарлады елдің Сыртқы істер министрлігінен.
Осыған дейін Израильдің бұрынғы министрі Газадағы қылмыстарға өз елін айыптағаны туралы жазған едік.