Амур жолбарысының сүйектері мен бас сүйегін сатып алғаны үшін сотталды
АСТАНА. ҚазАқпарат - «Уссурийскідегі бітімгерші судья сотталушыны 160 сағат міндетті жұмыс жазасына кесті», - деп хабарлады бейсенбі күні «Интерфакс» агенттігіне өлке прокурорының аға көмекшісі Елена Телегина.
Сот 2014 жылы Уссурийскіде жергілікті тұрғын әзірге анықталмаған тұлғадан Амур жолбарысының қабырға сүйектерін заңсыз сатып алғанын анықтады. Кейінірек ол жолбарыстың бас сүйегі мен ақбөкен мүйіздерін сатып алған. Полицейлер бұларды сотталушының пәтерінен тапты.
Амур жолбарысының сүйектері Азия елдерінде, соның ішінде оларды дәстүрлі медицинасында қолданатын Қытай елінде үлкен сұранысқа ие.
Амур жолбарысы халықаралық Қызыл кітапқа енгізілген. Бүгінде оның жабайы табиғатта небәрі 450-і ғана қалды.
