Анасын балағаттаған семейлік түрмеге қамалды
АСТАНА. ҚазАқпарат - Семейде арақтың қызуымен туған анасын балағаттаған ер адам 7 күнге темір торға қамалды, деп хабарлайды Алтайньюс.
Кінәлі деп танылған азаматқа бір жылдың ішінде полиция бөлімшесіне бірнеше арыз-шағым келіп түскен екен. Осы ретте оған тәртіп сақшылары тарапынан талай рет ескерту жасалыпты. Алайда ол бірде-бір сөзге құлақ аспаған.
Айта кетейік, енді осыдан былай құқық бұзушы алты ай көлемінде анасымен көріспейтін болады. Зәбір көрушінің қауіпсіздігін ескерген судья осындай шешім қабылдады.
