12:06, 30 Наурыз 2024 | GMT +6
Ангелина Лукас жекпе-жек алдында салмақ өлшеп, қарсыласымен көз арбасты
АСТАНА. KAZINFORM - Қазақстандық кәсіпқой боксшы Ангелина Лукас жеңіліп көрмеген қарсыласымен жекпе-жек алдында салмақ өлшеді.
Ангелина Лукас бүгін Таиланд астанасы Бангкокта өтетін жекпе-жегінің алдында салмақ өлшеу және көз арбасу рәсімінен өтті.
30 наурызда жергілікті промоушн өткізетін бокс кеші аясында Лукас жеңілмеген тай спортшысы Таньярат Джайклмен (6-0, 6КО) айқасқа шығады.
Жекпе-жек әрқайсысы екі минутқа созылатын алты раундтан тұрады.
Кездесу қарсаңында қос қарсылас екінші жеңіл салмақтың шегінде екеніне көз жеткізді.
Лукас мұның алдындағы жекпе-жегін 29 ақпанда Таиланд астанасында өткізген.
Ол кезде қазақстандық боксшы төртінші раундта тағы бір тай боксшысы Кадесара Джадпакдиді (7-4, 4КО) нокаутқа жіберген болатын.
