АНГЛИЯ: Апатқа ұшыраған кеменің экипаж мүшелері құтқарылды

АСТАНА. ҚазАқпарат - Англия жағалауында тағы бір кеме апатқа тап болды, деп жазады 24.kz.

Автокөлік тасымалдаушы алып су көлігі Солент бұғазында қайраңға тұрып қалған.

Оқиға орнына құтқарушылар шұғыл жетіп, бортындағы 25 адамды аман алып қалды. Сингапур туын тіккен 180 метрлік кеме Германияға қарай бет түзеген екен.

Ал мұның алдында Шотландия жағалауында британдық өзге бір кеме апатқа ұшараған еді. Оның бортындағы 8 адам әлі табылған жоқ.