Англия футбол құрамасына ӘЧ уақытында теңізге түсуге тыйым салынды

АСТАНА. ҚазАқпарат - Футболдан Англия құрамасының басшылығы Бразилияда өтетін әлем чемпионаты кезінде жұқпалы вирустар жұқтырудың алдын алу үшін ойыншыларға теңізге түсуге тыйым салды, деп хабарлайды британдық БАҚ.

Ұлттық команда басшылығы ойыншылар жататын қонақүй жағажай ауданында орналасқанына қарамастан осындай шешімге келіп отыр. Спорт ұйымдастырушылары футболшылардың вирустық ауру жұқтыруынан қауіптенеді, бірақ бассейндерге түсулеріне болады.