Анкара көшелерінің біріне оққа ұшқан елші Андрей Карловтың есімі беріледі
АСТАНА. ҚазАқпарат - Түркия СІМ басшысы Мевлют Чавушоғлы Анкарадағы Ресей елшілігі орналасқан көшеге қастандықтан мерт болған ресейлік елші Андрей Карловтың есімі берілетінін мәлімдеді.
Бұл туралы М.Чавушоғлы Мәскеуде Ресей сыртқы істер министрі Сергей Лавровпен кездесуде мәлім етті, деп хабарлады russian.rt.com.
Бұған дейін Лавров Анкарадағы ресейлік елші А.Карловтың қазасын жауыздықпен жасалған лаңкестік оқиға деп атады.
19 желтоқсан күні Анкарада «Ресей Калининградтан Камчаткаға дейін» атты көрменің ашылуында сөз сөйлеп тұрған елшіні қарулы ер адам атып өлтірді.
Фото: Burhan Ozbilici / AP
