Ансбахта жарылысты ұйымдастырған күдікті бұдан бұрын 2 рет өз-өзіне қол салмаққа әрекеттенген
АСТАНА. ҚазАқпарат - Немістің Ансбах қаласының орталығында жарылыс ұйымдастырды деп күдіктелген сириялық бұрын 2 рет өз-өзіне қол салмақ болған.
Бұл туралы RT жергілікті билікке сілтеме жасап хабарлады.
Осыған дейін жарылыс салдарынан 27 жастағы сириялық босқын ғана қаза тапқаны хабарланды. Оған полиция жарылысты ұйымдастырды деген күдік келтіріп отыр.
Еске сала кетейік, Ансбах қаласындағы мейрамханада жарылыс болды. Соңғы мәліметтерге қарағанда, 1 адам қаза тапты, 14 адам жарақаттанды, деп жазды russian.rt.
