Әнші Рухия Байдүкенова «Құрмет» орденімен марапатталды
АСТАНА. KAZINFORM — Өнер иесі Қытайдың Иу қаласында өтіп жатқан Silk Way Star халықаралық музыкалық байқауының екінші маусымында Қазақстан атынан өнер көрсетіп жүр.
Байқауға 12 елдің орындаушылары қатысып жатыр. Алғашқы кезеңде Рухия қазақтың халық әні «Бұлбұлды» орындап, жеңіске жетті.
Мемлекеттік награда алған әнші қолдау білдірген отандастарына алғыс айтты.
— Елімізді үлкен сахнада таныту үшін еңбек ете беремін. Баршаңызды Республика күнімен құттықтаймын! — деді Рухия Байдүкенова.
Бұған дейін Атырауда Президенттің атынан мемлекеттік марапаттар табысталғанын жазғанбыз.
