Әнші Бейонсе үздік бейнебаян үшін Грэмми сыйлығын алды
АСТАНА. ҚазАқпарат - Әнші Бейонсе үздік музыкалық видео үшін Грэмми сыйлығын алды, деп жазады «РИА Новости» агенттігі.
Аталған номинация бойынша сыйлыққа әнші Леон Бриджестің, Coldplay тобының, орындаушы Джейми Экс-Экс және OK Go рок-ұжымының бейнеклиптері үміткер болған еді.
Марапат салтанатты шараның алдында тапсырылды.
Кәсіби музыканттарда жүлдені тағайындау идеясы 1957 жылы Лос-Анджелесте пайда болды, ол кезде Томас Эдисонның граммофонды ойлап тапқанына 80 жыл толуы атап өтіліп жатты. Жүлденің атауы («Грэмми») мен мүсіншенің формасының (алтын жалатылған граммофон) граммофонға ұқсайтыны да сондықтан.
