Антигуа тұрғындары Обаманың құрметіне тауды атады
АСТАНА. Тамыздың 5-і. ҚазАқпарат - Кариб теңізіндегі Антигуа және Барбуда мемлекетінің екі аралының бірі - Антигуадағы Богги деп аталатын ең биік тау АҚШ президенті Барак Обаманың құрметіне аталатын болды,
деп хабарлайды ҚазАқпарат РБК агенттігіне сілтеме жасап.
Арал тұрғындары АҚШ-тың тұңғыш қара нәсілді президентіне деген құрметтерінің белгісі ретінде әлгі таудың атын өзгерту туралы шешім қабылдап отыр. Таудың етегіне «Обама тауы, Барак Хусейн Обама АҚШ-тың тұңғыш қара нәсілді президенті атанған 2008 жылғы қарашаның 4-індегі тарихи сайлаудың құрметіне. Шын жүректен» деген жазуы бар тас монумент орнатылған. Таудың аты Обаманың туған күні - тамыздың 4-інде өзгертіліп отыр.
