Аңызға айналған электр гитарасы бәссаудаға қойылды

АСТАНА. ҚазАқпарат - Нью-Йоркте 1954 жылғы Gibson Les Paul электр гитарасы бәссаудаға қойылды. Оның Black Beauty деген өз атауы бар. Музыкалық аспап Лес Полға тиесілі болған, деп хабарлады NBC News.

Лес Пол гитараны жетік меңгеріп, концерттерде шебер ойнаумен тамаша өнер көрсеткен. Black Beauty Полдың 20 жылдық жұмысы ішінде жүзге тарта рет жаңартылды. Нақ осы үлгі белгілі маркалы аспаптар желісіне негіз болды.

Black Beauty фурнитурасына алтын жалатылған. Аспап Нью-Йоркте 2015 жылғы 19 ақпанға бәссаудаға қойылады. Аукционды ұйымдастырушылар лоттың бастапқы құнын анықтаған жоқ.

Лес Пол (толық есімі Лестер Полфус) - гитарист-виртуоз, электр гитарасын шығарушылардың бірі.