Апта ішінде «ізі суымай» 2 157 қылмыстың беті ашылды - ІІМ
АСТАНА. 18 қаңтар. ҚазАқпарат /Руслан Ғаббасов/ - Қазақстанда апта ішінде 3 960 қылмыс тіркелді, соның 2 157-сі «ізі суымай» ашылды.
Бұл туралы бүгін Ішкі істер министрлігінің баспасөз қызметінен хабарлады.
Бұрын жасалған 686 қылмыс, соның ішінде өткен жылдар санатындағы 457 қылмыс ашылды. Іздеу жарияланған 97 қылмыскер іздестіріліп, табылды. Заңсыз айналымнан 8 қару алынды. Есірткінің заңсыз айналымына байланысты 66 қылмыс анықталды, оның 38-і сату фактісі бойынша. 7 келіден астам есірткі заты алынды, оның ішінде 1,5 келісі - героин.
