Аптап ыстыққа ұрынған жануар құтқарылды

АСТАНА. ҚазАқпарат - Австралияда жолда кетіп бара жатқан Мельбурн тұрғыны аяқ астынан аптап ыстықтан тұра алмай жатқан жануар - опоссумды кезіктірді.

Ол тұруға күші жетпей, талықсып және шөліркеп жатыр екен, деп хабарлайды 24.kz. Мұны көрген жолаушы оған бөтелкеден суды шөлі қанғанша іштірді. Тіршілік нәрінен қуат алған соң жануар орнынан тұрып, ағаштағы өз ұяластарына қарай өрмелеп кетті, деп жазады mirfactov.com.