Араб Әмірліктерінің астанасы әлемнің таңдаулы қаласы атанды
АСТАНА. 2 желтоқсан. ҚазАқпарат -- Біріккен Араб Әмірліктерінің астанасы - Әбу Даби әлемнің таңдаулы қаласы атанып, International Awards for Liveable Communities (LivCom Awards) халықаралық сыйлығына ие болды.
Әртүрлі санатта 32 елден 60 қала сынға түсті. Әбу-Даби халқы 400 мыңнан асатын 11 қаланың ішінде жеңімпаз болды, хабарлайды Khaleej Times басылымы.
Қазылар алқасы барлық елдерді негізгі алты өлшем бойынша бағалады. Олар: «табиғат және жасанды орта», «қоршаған ортаны қорғау бойынша таңдаулы практикалық тәжірибе», «қоғам өміріне қатысуы», «өнер, мәдениет, және мәдени мұра», «қалалық жоспарлау» өлшемдері бойынша анықталды.
