Аралас жекпе-жек: қазақстандық спортшы қарсыласын уақытынан бұрын жеңді
АЛМАТЫ. ҚазАқпарат – Бүгін Almaty Arena-да қазақстандық промоушнның аралас жекпе-жектен Naiza 37 турнирі өтіп жатыр, оған қазақстандық спортшылар да қатысуда, деп хабарлайды ҚазАқпарат Sports.kz сайтына сілтеме жасап.
175 фунтқа дейінгі категорияда октагонда қазақстандық Нұрбек Отар мен Әзербайжан өкілі Мұхамад Исмаилов кездесті. Жекпе-жектің екінші раундында отандасымыз қарсыласын ұрып құлатты.
Төреші жекпе-жекті тоқтатып, Отардың техникалық нокаутпен жеңіске жеткенін жариялады.
Еске салайық, кештің басты оқиғасы Серік Разғалиев (7-1) пен бразилиялық Дуглас де Оливейра (10-5) арасындағы жекпе-жек болмақ. Жеңімпаздар жартылай орта салмақ дәрежесіндегі чемпион атағы үшін бақ сынайды.
