Аралда әкім 107 жастағы әжейді мерекесімен құттықтады
ҚЫЗЫЛОРДА. ҚазАқпарат- Мереке қарсаңында Арал ауданының әкімі Мұхтар Оразбаев Арал қаласында тұратын жасы 107-ден асқан Ибайдуллаева Күлмараш әжені 8 наурыз - Халықаралық әйелдер күнімен арнайы құттықтап, ғасыр жасаған ғибратты ғұмыр иесінің қолын алып, хал-жағдай сұрап, құрметін көрсетті. Бұл туралы ҚазАқпарат ХАА тілшісі аудандық әкімдікке сілтеме жасап хабарлады.
Кезінде ерен еңбегімен мемлекетіміздің іргетасын нығайтуға атсалысқан ақ жаулықты әжелер бұл күнде ел тәуелсіздігінің арқасында өздеріне көрсетілген жан-жақты қолдау мен қамқорлықты сезініп, әдемі қартаю бақытын бастан кешіруде.
