Әрбір азамат заң шығару жұмысына қатыса алады - ҚР Әділет министрлігі
АСТАНА. 21 ақпан. ҚазАқпарат /Арман Асқаров/ - Әділет министрлігінің сайтында әрбір азамат заң жобаларының мәтінімен танысып қана қоймай, өз ұсыныстары мен түсініктемелерін қалдыра алады.
Бұл туралы бүгінгі баспасөз мәслихатында ҚР Әділет министрлігінің ресми өкілі Ерболат Ерімбет айтты.
Оның хабарлауынша, ҚР Әділет министрлігінің www.minjust.kz сайтында 80-нен астам заң актілері бар «Заң жобалары» атты базаның интернет-нұсқасы іске қосылған. «Енді, әрбір азамат заң жобаларының мәтінімен танысып қана қоймай, өз ұсыныстары мен түсініктемелерін қалдыра алады. Олардың барлық ұсыныстары уәкілетті қызметкерлермен қаралатын болады», - дейді Е.Ерімбет.
