Әрбір екінші мүгедек жұмысқа тұрды - министр Т.Дүйсенова
АСТАНА. 21 қараша. ҚазАқпарат - Бүгінде әрбір екінші мүгедек жұмысқа орналасты. Бүгін ҚР Президенті жанындағы Адам құқықтары жөніндегі комиссияның кеңейтілген мәжілісінде ҚР Еңбек және халықты әлеуметтік қорғау министрі Тамара Дүйсенова осылай айтты.
Министрдің айтуынша, қазіргі кезде мүгедектерді жұмысқа орналастыру шаралары «Жұмыспен қамтудың жол картасы - 2020» мемлекеттік бағдарламасы аясында атқарылады. «Сондықтан осы уақытқа дейін жұмысқа тұру бойынша өтініш білдірген әрбір екінші мүгедек жұмысқа тұрғызылды», - дейді Т.Дүйсенова. Оның сөзіне қарағанда, бүгінде бағдарлама бойынша 1500 мың мүгедек әлеуметтік келісімшартқа қол қойды. Олардың 294-і тұрақты жұмыс орнына ие болды. Сондай-ақ 100-ге жуық адам шағын несие алды.
