Ардагерлер шынайы патриоттықтың үлгісін көрсетті - ҚХА

АСТАНА. ҚазАқпарат - Қазақстан халқы Ассамблеясы ҰОС ардагерлері мен тыл еңбеккерлерін 9 мамыр - Жеңіс күнімен құттықтады.

«Біздің әкелеріміз бен аталарымыз қан майданда жан аямай шайқасып, ажалға қасқайып қарсы тұрды. Отан үшін отқа түсіп, шынайы патриоттықтың үлгісін көрсетті.

Сіздердің сұрапыл соғыстағы теңдесі жоқ ерліктеріңіздің, қайсарлықтарыңыз бен қаһармандықтарыңыздың арқасында бүгінгі ұрпақ бейбіт өмір сүруде.

Бұл - біздің ортақ мұрамыз, Қазақстан халқының мызғымас бірлігінің жарқын үлгісі.

Ұлы Жеңіс күні - біздің мәңгілік мақтанышымыз, Отанға деген сүйіспеншілік пен адалдықтың өлшемі.

Ұлы Жеңіс туралы естелік ерлікке толы тарихымыздың ұмытылмас парағы радикализмнің, этноұлтшылдықтың және экстремизмнің барлық түрлерінен бас тартып, жалпыұлттық рухты, сенімді, достықты қалыптастырады.

Оның негізі - Отанға, туған жерге, өзінің жақындарына және отбасына сүйіспеншілік, тұрақтылыққа, бейбітшілік пен келісімге деген тылпыныс болып табылады.

9 мамырда еліміздің барлық қалалары мен ауылдарында қуаныш, шаттық орнап, ардагерлердің жүздеріне күлкі ұяласын, құшақтары гүлге толып, омырауларында медальдар мен ордендер жарқырасын, олардың ерлігі әрбір қазақстандықтың жүрегінде мәңгі сақталады», - делінген Қазақстан халқы Ассамблеясы Кеңесінің құттықтауында.