Аргентинада 9 мамыр ресми түрде Жеңіс күні болуы мүмкін

АСТАНА. ҚазАқпарат - Аргентинаның палата депутаттары 9 мамырды ресми түрде Жеңіс күні деп жариялауы мүмкін, деп хабарлады РИА Новостиге аргентиналық кинорежиссёр және Ресей азаматтарының координациялық кеңесінің президенті Силвана Ярмолюк.

«Бұрынғы КСРО халықтарының арасындағы фашизм құрбандарын еске алу мақсатында, 9 мамырды Жеңіс күні деп жариялау туралы ұсынысты депутаттардың қарауына ұсындық және оны бекітетіні туралы жақсы жаңалықты хабарлаймыз», - деді Ярмолюк.

Оның айтуынша, мұндай өтініш бір жыл бұрын жасалған. Өткен аптада аталмыш құжат депутаттарға ұсынылған.

Сондай-ақ, ол бірнеше заң шығарушылардың бұл ұсынысты мақұлдағанын атап өтті.