Арман Сейітмамыт «Хабар» телеарнасының директоры болып тағайындалды

Белгілі тележурналист, медиаменеджер Арман Сейітмамыт «Хабар» телеарнасының директоры болып тағайындалды, деп хабарлайды Kazinform арнаның баспасөз қызметіне сілтеме жасап.

Арман Балтабайұлы — телевизия саласында ұзақ жылдардан бері қызмет етіп келе жатқан тәжірибелі маман.

Әр жылдары «Хабар» телеарнасында жаңалықтар жүргізушісі, «24KZ» арнасының шеф-редакторы, директоры, бас продюсері, «EL ARNA» телеарнасының директоры болып қызмет атқарған.

Интернет жобалар саласында да еңбек еткен.