«Арманға құлаш ұрған асқақ қала!» - республикалық басылымдарға шолу

***

Кеше Ақордада жоғары лауазымды қызметке тағай­ын­далған бір топ мемлекеттік қызметкер Қазақстан Республи­ка­сының Конституциясына және «Қазақстан Республикасының Мемлекеттік қызмет туралы» Заңына сәйкес ел Президенті мен Қазақстан халқына салтанатты жағдайда ант берді. Осыған орай «Егемен Қазақстан» газетінде «Мемлекеттік қызметкер болу - абыройлы міндет» деген тақырыппен мақала жарияланды. «Ант беру сіздер үшін ерекше салтанатты күн деп есептеймін. Кез келген азаматқа мемлекеттік қыз­меткер болу - өте үлкен мәртебе. Оған барлық қазақстандық­тар­дың қолы жете бермейді. Ал Үкімет мүшесі болу, министр болу одан да зор жауапкершілік болып та­былады», - деді Мемлекет басшысы Нұрсұл­тан Назарбаев ант беру рәсімі аяқталғаннан кейінгі сөзінде.

«Егемен Қазақстан» газетінің жазуынша, кеше Ақордада Мемлекеттік хатшы Қанат Саудабаевтың төрағалығымен Қазақстан Рес­публикасы Тәуелсіздігінің 20 жылдығын өткізу жөніндегі мем­­лекеттік комиссияның оты­рысы болып өтті. Оның жұмысына Үкімет мү­шелері, облыстар және Астана мен Алматы қалаларының әкім­де­рі қатысты. Отырыста осы уа­қытқа дейін Тәуелсіздіктің 20 жылдығын атап өтуге байла­ныс­ты бір жарым мыңнан артық ша­ралардың өткізілгені атап көр­сетілді. Оларды өткізуге жастар, ғылым және шығармашылық интеллигенция, өнеркәсіп пен ауыл­шаруашылық, үкіметтік емес ұй­ымдар және қоғамдық қозға­лыс­тар өкілдері белсене қатысты.

***

«Айқын» газетінің бүгінгі мерекелік нөмірінде Мәжіліс депутаты, Қазақстан Республикасының Еңбек сіңірген қайраткері Уәлихан Қалижанның «Ислам әлемі және Назарбаев» деген тақырыптағы көлемді мақаласы жарияланды. «Ұлтаралық ынтымақтастықты нығайта білген еліміз Батыс пен Шығысқа өнеге болады. Этносаралық достықты сақтаудағы Елбасы Н.Ә.Назарбаевтың саясаты өркениеттердің жақындасуына да септігін тигізері анық. Қазақстан Батыс пен Шығысты мәмілелесуге шақыратын іргелі елге айналып отыр. Оған дәстүрлі әлемдік діндердің үш рет үлкен жиынының Астанада өткенін айтсақ та жеткілікті», - деп жазады автор. Жарияланымның толық нұсқасын оқығыңыз келсе, басылымның бүгінгі нөмірін жіберіп алмаңыз.

Астана - Қазақ елінің абыройы. Бүгіндері әлем жұртшылығы Қазақстанды Астанамыз арқылы таниды. Астана десе, айбынды Ақорда, бойтұмарымыз «Бәйтерек», Қазақ халқының құрметіне қойылған «Қазақ елі» монументі, төрткүл дүние өкілдері бас қосып, бәтуаға келетін Тәуелсіздік сарайы, бейбіт өмірге үндейтін Бейбітшілік және Келісім сарайын сөз етпей тұра алмаймыз. Шетелдік қонақтардың таңдайын қақтырып, тамсандырған Астананың ажары әлі де сұлулана түспек. Астана ажарын ашатын әсем ғимараттардың бірқатары Тәуелсіздігіміздің жиырма жылдық тойында пайдалануға беріледі. Бұл жайында «Айқын» газетіндегі «Арманға құлаш ұрған асқақ қала!» деген мақаладан егжей-тегжейлі біле аласыздар.

***

«Мемлекет басшысы Нұр­сұл­тан Назарбаев Қа­зақ­стан ұй­ғыр­лары республикалық мә­­дени орта­лығы мен Рес­пуб­ликалық ұйғыр музыка­лық комедия теат­ры атына үндеу-хаттары мен жылы шы­­райлы құттық­таулары үш­ін алғы­сын білдіріп жедел­хат жолдады», - деп жазады «Казахстанская правда» газеті. Елбасының жеделхатында: «Тұрақтылық пен келісім - жыл­дан-жылға жүргі­зі­летін, ұр­пақ­тан-ұрпаққа жалғасатын, күн сайынғы үл­кен жұмыс. Және мен еліміздегі ұйғыр интел­ли­ген­циясының өкілдері жас­тарды жоғары рухани байлық пен мәдени құнды­лық­тарға баулып, бейбітшілік пен өзара түсіністік дәс­түрлерін сақтап және жалғас­тырып отыр­ғанын қанағаттану­шылық сезіммен атап өтемін», - делінген.