Арменияның ДСМ-ы жаппай локдаун енгізу туралы сыбысты жоққа шығарды
ЕРЕВАН. Арменпресс-ҚазАқпарат – Армения Денсаулық сақтау министрлігінің баспасөз қызметі коронавирус пандемиясының салдарынан жаппай локдаун және қатаң шектеулер енгізу туралы қауесеттің шындыққа жанаспайтындығын айтты, деп хабарлайды Қазақпарат «Арменпресс» агенттігіне сілтеме жасап.
«Денсаулық сақтау министрлігі эпидемиологиялық ахуалды қадағалап отыр. Коронавирус таралуының өсуіне байланысты антиэпидемиялық ережелерді сақтауға шақырамыз. Олар - бетперде тағу, қолды жиі жуу, әлеуметтік қашықты сақтау», - деп ескертті министрліктен.
Айта кетерлігі, БАҚ-та премьер-министр Никол Пашинянның 15 наурыздан бастап қайтадан қатаң шектеулерді енгізетіндігі жөнінде қауесеттер тараған еді.
