«Арна Медиа» Ұлттық ақпараттық холдингіде кадрлық өзгерістер болды
АСТАНА. Ақпанның 23-і. ҚазАқпарат - «Арна Медиа» Ұлттық ақпараттық холдингі» АҚ директорлар кеңесінің 2010 жылғы ақпанның 22-сіндегі шешімімен холдинг басқарма төрағасының орынбасары қызметіне бұрын холдингінің басқарушы директоры болып жұмыс істеген Нұрай Оразов сайланды.
Нұрай Нұрғожаұлы Оразов 1963 жылы қаңтардың 17-сінде туған.
Әр жылдары ҚР Премьер-Министрі Кеңсесінің бақылау және құжаттамалық қамтамасыз ету бөлімінің консультанты; ҚР Мәдениет, ақпарат және қоғамдық келісім министрлігі жастар саясаты департаментінің директоры болып қызмет атқарды.
Сондай-ақ Н.Оразов Президенттің баспасөз қызметі басшысының орынбасары, ҚР Президенті Әкімшілігінің ақпараттық-талдау орталығы меңгерушісінің орынбасары болды.
«Арна Медиа» ҰАХ» АҚ-ға келгенге дейін Нұрай Оразов ҚР Мәдениет және ақпарат министрлігінің Ақпарат және мұрағат комитетінің төрағасы болды.
