Арнайы экономикалық аймақта сауда орталықтары не істеп жүр — Бақытжан Базарбек
АСТАНА. KAZINFORM — Машина жасауды дамытуға арналған заң жобасын талқылау кезінде депутат Бақытжан Базарбек Арнайы экономикалық аймақтарға заңсыз еніп кеткен жобалардың мәселесін көтерді.
Оның айтуынша, саланы реттейтін заңнаманың әлсіздігінен кейбір шетелдік инвесторлар арнайы экономикалық аймақ қызметін тоқтатқаннан кейін салық жеңілдіктерін алып келген.
— Бас прокуратура қадағалау актісі арқылы сіздерге өнеркәсіптік-инновациялық салаға жатпайтын жобалардың Индустрияландырудың бірыңғай картасына енуіне тыйым салатын норма енгізуді тапсырған. Ал бізде қалай болып жатыр? Индустрияландырудың бірыңғай картасына қонақүй мен сауда-ойын-сауық орталығын салу сияқты талапқа сай емес 8 жоба еніп кеткен. Бас прокуратураның осы ұсынымын орындауларыңызды сұраймын, — деді депутат.
Ресми дерек бойынша, Қазақстанның арнайы экономикалық аймақтарында 586 жоба жүзеге асырылып жатыр.
