«Арселор Миттал Теміртаудағы» ЖЭО жөндеуге 5 млрд теңге бөлді
Энергетика министрлігі Теміртаудағы жылу электр орталығының қысқа дайындық барысы туралы мәліметпен бөлісті, деп хабарлайды Kazinform агенттігі.
«Теміртау ЖЭО бойынша биыл «Арселор Миттал Теміртау» компаниясы жөндеу жұмыстарына бұрынғыдан көбірек шамамен 5 млрд теңге бөлді. Өткен жылы газ құбырының құлауына байланысты проблемалар болды. Қазандықтар жұмысы тиісті деңгейге жете алмады. Қазір газ құбырлары мәселесі шешілді, құбырлар тазартылып, жөнделді. Қазандықтарда да жөндеу жұмыстары аяқталды», - деді Энергетика вице-министрі Жандос Нұрмағанбетов ведомствода өткен баспасөз мәслихатында.
Оның айтуынша, қыркүйекте дайын болуы тиіс 4-ші қазандық қазанда іске қосылды.
«Теміртауда жылыту маусымы штаттық режимде жүретініне сенімдіміз. Теміртауда бұрын-соңды болмаған жаңа қазандық салынып жатыр. Ол бойынша бүгінде белгілі бір күрделі техникалық мәселелер бар. Сондықтан мәселе 2024 жылға ауыстырылды. Менің ойымша, Теміртау ЖЭО бойынша жағдай тұрақты. Өткен жылы да, биыл да жылу магистралі ауыстырылды. Жылу магистралінің дайын болмауында проблемалар болған еді. Біз Қарағанды облысы әкімінің орынбасарымен тығыз байланыстамыз. Мәселені қатаң бақылауда ұстайды. Теміртауда жылыту маусымы штаттық режимде өтетіні туралы ақпаратты әкімдік растап отыр», - дейді ол.
