Арыстан 100 бала жазғы демалысын Түлкібаста өткізеді
ТҮЛКІБАС. ҚазАқпарат – Арыстық 100 бала жазғы демалысын Түлкібас ауданының лагерлерінде өткізетін болды, деп хабарлайды ҚазАқпарат тілшісі.
Аудан әкімдігінің ұйымдастыруымен жеткіншектер Машат шатқалындағы «Бекзат Саттарханов» және Машат ауылы маңында орналасқан «Арман-1» лагерлерінде үш ауысыммен демалады.
Қазіргі таңда аталған лагерьлерде Арыстан 20 бала демалуда. Демалумен қатар, оқу және сауықтыру да қаралған. Сондай-ақ, демалушы балалардың көңілін көтеру мақсатында әр күнге арнайы шаралар бекітілген. Таулы ауданның таза ауасымен демалған кішкентай арыстықтар өз үйлеріне көтеріңкі көңіл-күймен қайтады деп күтілуде.
