«Арыстан патша» ең табысты мюзикл атанды
АСТАНА. ҚазАқпарат - «Арыстан патша» (Король Лев) мюзиклінің театрландырылған нұсқасы барлық жылдардың ең табысты сахналық қойылымы болып танылды. 1997 жылдан бастап мюзикл күллі әлем бойынша 6,2 млрд доллар пайда тапқан, деп хабарлады ВВС.
Қойылым 1994 жылы прокатқа шыққан Disney студиясының анимациялық фильміне негізделген. Картинаға әндерді танымал британдық музыкант Элтон Джон жазған.
«Арыстан патша» қойылымының табысы «Опера елесі» мюзиклінің табысынан асып түсті. Ол 1986 жылдан бастап, әлем театрларында сахналанып,бүгінге дейін ол 6 млрд долларға жуық пайда тапқан.
