Аса ірі ағылшын-саксон олжасы 3 миллион фунтқа бағаланды

АСТАНА. Желтоқсанның 3-і. ҚазАқпарат - Британ үкіметінің жанында жұмыс істейтін тәуелсіз сарапшылар Стаффордширде табылған ағылшын-саксон олжасын рекордтық сомаға - 3,285 миллион фунтқа бағалады,

деп хабарлайды ҚазАқпарат AFP сайтына сілтеме жасап.

Осылайша, журналистер «Стаффордшир қазынасы» деген атау берген олжа осындай қазыналардың ірісі ғана емес және ең құндысы да болып отыр. Олжа 5 келі алтынды және 1,3 келі күмісті құрайды.

Жұмыссыз қазына іздеуші-әуесқой Терри Герберт металліздегіш құралдың көмегімен шілдеде VII ғасырға жататын мың жарымнан астам заттардың үстінен түскен болатын.

Енді, Терри Герберт пен жерінен қазына табылған фермер Фред Джонсон үш жарым 3 миллионнан астам фунтты тең бөліп алуға қолын ысқылап отыр. Бұл ақшаны қазір Бирмингем және Сток-он-Трент мұражайлары жинауда.

Қазіргі уақытта құндылықтардың бір бөлігі Лондондағы Британ мұражайына қойылды; ол табылған олжалар туралы кітап шығарып та үлгерді.