Әсем Орынбай стенд атудан іріктеудің алғашқы айналымына қатысты

АСТАНА. KAZINFORM – Париж Олимпиадасында стенд атудан (скит) әйелдер арасындағы іріктеу айналымы басталды. Бұл туралы ҰОК хабарлады. 

Аталған спорт түрінен Қазақстан сапынан Әсем Орынбай қатысып жатыр. Отандасымыз іріктеу сынында бақ сынады. 

Мүмкін болған 75 ұпайдан 67 ұпай жиған Әсем аралық нәтижеде 23-орынға тұрақтады. 

4 тамыз күні іріктеудің екінші айналымы өтіп, финалға шыққан спортшылар анықталады. 

Еске сала кетейік, бұған дейін Эдуард Ещенко Париж Олимпиадасының іріктеу кезеңінен аса алмады.