Әсет Исекешев: «Әйел қуанышы - ортақ Отанымыздың мерейі»
«Ардақты аналар! Аяулы апа-қарындастар!
Сіздерді 8 наурыз - Әйелдердің халықаралық мерекесімен шын жүректен құттықтаймын!
Көктем гүлімен, отбасы ана нұрымен көркем. Ақ пейілімен ажарланып, көңіл көркімен көріктенген асыл аналарымыздың мерекесін ел-жұрт ерекше қуанышпен қарсы алады. Өйткені әйел қуанышы - әр үйдің, отбасының, тіпті ортақ Отанымыздың мерейі» делінген құттықтауда.
Сондай-ақ, әкім әйел-ана барлық қиындықты жеңетін сарқылмайтын күш, тірліктің қайнар бұлағы екендігін атап өтті.
«Бүгінде қазақ қыздары қоғамның барлық саласына да еркін араласып, тамаша табыстарға қол жеткiзiп келедi. Бұл біз үшін, ерлер қауымы үшін үлкен мақтаныш, биік мәртебе. Өздеріңіздей өмірде - нәзік, көңілде - биік, ал істе - мығым аналарымыз аман болсын!
Рахмет сіздерге, Астана қаласының әйелдер қауымы жүректеріңіз әрдайым жылулыққа, бойларыңыз сұлулыққа толы болсын. Сіздерге, зор денсаулық, аяулы ана бақытын тілеймін!» деп түйді сөзін қала басшысы.