Әсет Исекешев инвестициялық омбудсмен болып тағайындалды
АСТАНА. ҚазАқпарат - ҚР Инвестициялар және даму министрі Әсет Исекешев инвестициялық омбудсмен болып тағайындалды. Осыған байланысты ҚР Үкіметінің қаулысы (2015 жылғы 5 ақпандағы № 32 қаулы) «Әділет» ҚР нормативтік құқықтық актілерінің ақпараттық-құқықтық жүйесінде жарияланды.
«Инвестициялар туралы» 2003 жылғы 8 қаңтардағы Қазақстан Республикасының Заңы 1-бабының 8-1) тармақшасына сәйкес, Қазақстан Республикасының Үкіметі Әсет Өрентайұлы Исекешев инвестициялық омбудсмен болып тағайындауға қаулы етеді», - делінген құжатта.
Айта кетейік, осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
