Ашхабадқа жаңа мэр тағайындалды
АСТАНА. ҚазАқпарат - Түркіменстан Президенті Гурбангулы Бердімұхамедов Шамұхаммет Дурдылыевті Министрлер кабинеті төрағасының орынбасары, Түркіменстан Президенті Аппараты және елдің министрлер кабинетінің іс басқарушысы қызметінен босатып, Ашхабад мэрі етіп тағайындады.
Бұл туралы сенбі күні «Туркменистан: Золотой век» мемлекеттік агенттігі хабарлады.
Хабарламаға сәйкес, Түркіменстан Президенті Аппараты және елдің министрлер кабинетінің іс басқарушысы қызметіне коммуналдық министрі лауазымынан босатылған Мамметнияз Нурмаммедов тағайындалды.
