АШМ жауапты 54 мемлекеттік қызметтің 48-ін стандарттады
АСТАНА. 12 қыркүйек. ҚазАқпарат - Ауыл шаруашылығы министрлігі ауыл шаруашылығындағы мемлекеттік қызметтерді стандарттауды сәтті аяқтағаны туралы есеп берді, деп хабарлады ведомствоның баспасөз қызметінен.
«Ауыл шаруашылығы министрлігі қоғамдық ұйымдармен бірлесе отырып, Қазақстан Республикасы Үкіметінің 2012 жылдың 31 тамызындағы № 1108 қаулысымен бекітілген 23 мемлекеттік қызмет бойынша стандарт әзірледі», - делінген хабарламада.
Стандарттарды әзірлеу құрамына қызмет тұтынушылардың мүддесіне өкілдік ететін іскерлік және қоғамдық ұйымдардың өкілдері кіретін қоғамдық кеңестің мәжілістері мен интернет-форумдарда талқыланды. Жалпы министрлік өзі жауапты 54 мемлекеттік қызметтің 48-ін стандарттады. Мемлекеттік қызметтерді стандарттау мен регламенттеу ҚР АШМ бөлімшелеріндегі жемқорлықты төмендетуге мүмкіндік береді.
