Асқар Мамин Қазақстанның шайбалы хоккей федерациясының президенті болып сайланды
АСТАНА. 6 қыркүйек. ҚазАқпарат - Астанада «Қазақстанның шайбалы хоккей федерациясы» республикалық қоғамдық бірлестігінің 12-ші есептік-дауыс беру конференциясы өтті,
деп жазады «Казахстанская правда» газеті бүгінгі нөміріндегі «Избраны единогласно» деген мақаласында.
Конференцияда ҚШХФ-ның 4 жыл ішіндегі жұмысы жөнінде Қазақстанның шайбалы хоккей федерациясының президенті Асқар Маминнің («Қазақстан темір жолы» АҚ-ның президенті) баяндамасы тыңдалды.
Баяндамадан кейін Қазақстанның шайбалы хоккей федерациясына бас директор мен президентті сайлау өтті. Аталмыш федерацияның президенттік лауазымына бірауыздан Асқар Мамин, ал бас директор қызметіне Юрий Зверев сайланды.
