Асқазанына есірткі салып өткізбек болған өзбекстандық азамат ұсталды
АСТАНА. ҚазАқпарат - Сарыағаш шекара отрядына қарасты «Жібек жолы - авто» бақылау-өткізу бекетінің шекара наряды шекаралық бақылау жүргізу кезінде олардың қызметтік иті 30 жастағы Өзбекстан азаматының қасына келгенде ырылдап қоя берді.
Бұл - аталған азаматтың бойында есірткі бар деген сөз. Тергеу кезінде әлгі азамат асқазанында есірткілік заттың бар екендігін мойындады, деп хабарлайды ҚР ҰҚК ШҚ баспасөз қызметі. Айтуына қарағанда, есірткілік зат - марихуананы көлемі бір сантиметрлік болатын 6 дана дөңгелек полиэтиленді қағазға орап, жұтып жіберіпті.
Аталған дерек бойынша Сарыағаш гарнизонындағы құқық қорғау органдары хабарландырылды.
