Астана: Ағымдағы аптаға арналған мәдени шаралар афишасы

АСТАНА. ҚазАқпарат - 26 ақпан мен 4 наурыз күндері Астана тұрғындары мен қонақтары бірқатар қызықты мәдени шараларды тамашалай алады. Бұл туралы «ҚазАқпарат» ХАА тілшісі қалалық Мәдениет, архив және құжаттама басқармасына сілтеп жасап хабарлайды.

26 ақпаннан 4 наурызға дейін Тәуелсіздік сарайында «Тәуелсіздік белгісі - Астана», «Талантқа тағзым», «Менің Астанам» және «Мысли» көрмелері өтеді. Сондай-ақ, астаналықтар «Қазақстандық суретшілердің шығармалары» көркемөнер көрмесін, «Перемена» заманауи өнер көрмесін және «Ұлы дала мұрасы» қолданбалы өнер көрмесін тамашалай алады.

27 ақпан күні Қ.Қуанышбаев атындағы Мемлекеттік академиялық қазақ музыкалық драма театрында Рақымжан Отарбаевтың «Көлеңкесіз жолаушы» психологиялық драмасы қойылады. Басталуы - сағат 19:00.

Сол уақытта «Астана Опера» театрының камералық залында «Люблю и таю» концерті өтеді.

28 ақпан күні 19:00-де Қ.Қуанышбаев атындағы Мемлекеттік академиялық қазақ музыкалық драма театрында С.Тұрғынбекұлының «Шәмші» спектакль - элегиясы қойылады. 

19:00-де «Астана Опера» театрының үлкен залында Ғ. Жұбанованың «Қарагөз» балеті басталады.

Сол уақытта «Жастар» театрында Оралхан Бөкейдің «Ұйқым келмейді» музыкалық моноспектаклі қойылады.

1 наурыз күні қуыршақтар театрында А. Салаеваның «Лесная сказка» спектаклі көрсетіледі. Басталуы 12:00 және 14:00-де.

17:00-де Бейбітшілік және келісім сарайында Алғыс айту күніне арналған «Мың алғыс» концерті өтеді.

19:00-де «Астана Опера» театрының камералық залында «Музыка тронет струны души» концерті басталады.

19:00-де «Астана» концерттік залында классикалық, эстрадалық, халықтық жанр орындаушылары және эстрадалық би ансамблінің «Махаббат дастан» атты эстрадалық әндер концерті өтеді.

М. Горький атындағы Мемлекеттік академиялық орыс драма театрында Б. Жандарбековтың «Томирис - царица сакская» эпикалық драмасы қойылады. Басталуы-  19:00-де.

2 наурыз күні 19:00-де М. Горький атындағы Мемлекеттік академиялық орыс драма театрында Р. Кунидың «Смешные деньги» комедиясы өтеді.

Со уақытта «Астана Опера» театрында Дж. Пуччинидің «Богема» операсы басталады.

3 наурыз күні 10:00-де «Жастар» сарайында «Біз өз еңбегімізбен мемлекетті нығайтамыз» атты  еңбек жолын ұрпақтан-ұрпаққа жалғастырып келе жатқан әулеттермен кездесу және «дөңгелек үстел» ұйымдастырылады.

15:00-де «Жастар» сарайында Алғыс айту күніне арналған «Бір ел - бір отбасы» концерттік бағдарламасы өтеді.

11:00-де М. Горький атындағы Мемлекеттік академиялық орыс драма театрында кішкентай көрермендерге В. Трегубенконың «Домик для царя зверей» ертегісі көрсетіледі. 18:00-де И. Вырыпаевтың «Валентинов день» ирониялық драмасы қойылады.

18:00-де «Астана» концерттік залында «Сарыарқа» халық музыкасы ансамблі мен классикалық, эстрадалық және халықтық вокал солистерінің Халықаралық әйелдер күніне арналған «Жан ана» концерті басталады.

4 наурыз күні 9:00-де «Жастар» сарайында «Мен - жұлдызбын» атты балалар шығармашылығының фестиваль-байқауы өтеді.

11:00-де М. Горький атындағы Мемлекеттік академиялық орыс драма театрында балалар С.Астраханцевтің «Маленькая история о Маленьком Муке» ертегісін тамашалай алады.

12:00-де «Астана Опера» театрының камералық залында «Жануарлар карнавалы» концерті өтеді.

18:00-де М. Горький атындағы Мемлекеттік академиялық орыс драма театрында А. Касонның «Дикарь. Третье слово» мелодрамасы қойылады.

Сол уақытта «Астана Опера» театрының үлкен залында «Көктем симфониясы» концерті басталады.

Басты сурет: astanaopera.kz