Астана әкімдігі уақытша тіркеуге қатысты таратылған ақпаратты жоққа шығарды
АСТАНА. ҚазАқпарат - Астана қаласының әкімдігі әлеуметтік желілер мен WhatsApp месенджері арқылы тараған уақытша тіркеуге қатысты ақпаратты жоққа шығарады, деп хабарлады бүгін Астана әкімдігінің баспасөз қызметі.
«Әкімдік ешқандай хабарламалар таратқан жоқ. Бұл ақпарат шынайылыққа жанаспайды»,-делінген әкімдік таратқан хабарламада.
Айта кетейік, осыған дейін WhatsApp месенджері арқылы уақытша тіркеуде тексеруге келген азаматтарды үйге кіргізбеу қажеттігі жөнінде қала әкімінің арнайы өкімі шыққандығы жөнінде мәлімет тараған болатын.
