Астана әкімі Головкинге қолдау білдіру сөздері жазылған инсталляцияны көрсетті

АСТАНА. ҚазАқпарат - Елордада түнгі уақытта көпқабатты үйлердің сыртында қазақстандық боксшы Геннадий Головкинге қолдау білдіру сөздері шығады.

Астана қаласының әкімі Әсет Исекешев Фейсбуктегі жеке парақшасында «Алға, GGG! Мы в тебя верим!» сөздері жазылған жарық инсталляциясы түсірілген видеомен бөлісті. Жүгіртпе жол «Самал» шағынауданындағы көпқабатты жеті тұрғын үйдің сыртқы бетіне орналастырылған.

Еске салайық, Головкин-Альварес жекпе-жегі 16 қыркүйек күні АҚШ-тың Лас-Вегас қаласындағы «T-Mobile» аренада өтеді. Оны «Qazaqstan» мен«Qazsport» телеарналары тікелей эфирден 17 қыркүйек күні (уақыт айырмашылығына байланысты) көрсетеді. Головкин-Альварес айқасы сағат 8.50-де басталады.