«Астана-Алматы» бағытында қосымша пойыз қатынай бастады
АСТАНА. ҚазАқпарат - Ауа райының қолайсыздығына және автомобиль тас жолдарының жабылуына байланысты теміржолшылар күшейтілген режімде жұмыс істеуде.
Бұл туралы ҚазАқпарат «Жолаушылар тасымалы» АҚ баспасөз қызметіне сілтеме жасап хабарлайды.
«Жолаушылардың діттеген жеріне дер уақытында жетуін қатмамасыз ету үшін соңғы 3 тәулікте пойыздарға қосымша 57 вагон тіркелді. Мұндай шара 5 мыңнан астам жолаушыны қосымша тасымалдауға мүмкіндік берді. Бұған қоса, 26 қаңтардан бастап №152-151 «Астана-Алматы» қосымша пойызы шығарылды, ол күнара жүретін болады», - делінген хабарламада.
Компания ақпаратына сәйкес темір жол көлігі тәулігіне 40 мыңнан астам жолаушы тасымалдайды.
