Астана, Алматы мен ШҚО-ның үш қаласында ауа сапасы нашарлауы мүмкін

None
АСТАНА. ҚазАқпарат – 21 сәуірде еліміздің 5 қаласында қолайсыз метеорологиялық жағдай қалыптасады, деп хабарлайды ҚазАқпарат «Қазгидромет» РМК-ге сілтеме жасап.

«Қазгидромет» болжамы бойынша, Қазақстанның 5 қаласында – Астана мен Алматы және Өскемен, Семей, Ридерде қолайсыз метеорологиялық жағдайлар қалыптасуы мүмкін.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.

Соңғы жаңалықтар