Астана арландары тағы да Куба қабландарынан оңбай таяқ жеді
АСТАНА. ҚазАқпарат - Дүниежүізілк бокс сериясы маусымының матчтық кездесуінде «Astana Arlans» клубының былғары қолғап шеберлері «Cuba Domadores» боксшыларына 0:5 есебімен есе жіберді, деп хабарлады sports.kz сайты.
Атап айтқанда, 49 келіде шаршы алаңға көтерілген Теміртас Жүсіпов қарсыласы Йосбани Вейтиадан айласын асыра алмаса, Бағдад Әлімбеков (56 келі) Маркос Форесталдан 0:3 есебімен оңбай таяқ жеді. Ал 64 келі салмақ санатында жұдырықтасқан Руслан Мәдиев Ясниер Толедодан әлсіздік танытты. Сондай-ақ Ерік Әлжановтың (75 келі) Луис Рамонға лайықты қарсылық көрсетуге шамасы жетпеді. 91 келіде ел намысын қорғаған Арбек Әбдуғаниев болса 4-раундта қарсыласы Эрисланди Савонудан техникалық нокаутпен ұтылды.
Айта кетейік, «Astana Arlans» боксшылары қорытынды кездесулерін 1 наурыз күні Алматыда «Hussars Poland» былғары қолғап шеберлеріне қарсы өткізеді.
