«Astana Arlans»-«Patriot Boxing Team»: Нұрбол Алтаев 3-ұпайды ел қоржынына салды
Ауыр салмақта бірқатар халықаралық турнирлердің жеңімпазы Нұрбол Алтаев пен Ресейдің Орталық Федералды округі чемпионатының жеңімпазы Ровшан Ягубзаде арасындағы жекпе-жекке барынша тартысты өтті. Нәтижесінде төрешілердің шешімімен 2-1 есебімен қазақ боксшысы жеңіске жетті.
Алда 49 келіге дейін салмақта Қазақстанның 4 дүркін чемпионы, Азия чемпионы, 2015 және 2017 жылдардағы WSB чемпионы Теміртас Жүсіпов Ресейдің Алыс Шығыс Федералды округі чемпионатының екі дүркін чемпионы, Борис Сидоровпен кездеседі.
75 келіге дейінгі салмақта Қазақстан чемпионы бірқатар халықаралық турнирлердің жүлдегері, 2017 жылғы WSB чемпионы Сапарбай Айдаров ресейлік танымал боксшысы Расул Алиевпен жұдырықтасуы тиіс болатын. Алайда, қазір оның орнына шаршы алаңға Әбілхан Аманқұл шығады.
Бұған дейін 60 келіге дейін салмақ санатында шаршы алаңға шыққан Қазақстанның 3 дүркін чемпионы, Азия ойындарының чемпионы, 2017 жылғы жетінші маусымның WSB чемпионы Ілияс Сүлейменов Ресейдің екі дүркін чемпионы Василий Веткиннен басым түсті.
Одан кейін 64 келіге дейін салмақта шаршы алаңға көтерілген 2017 жылғы WSB чемпионы Ділмұрат Мәжитовте ресейлік Константин Богомазовтің жолын кесті.
Естеріңізге сала кетсек, «Astana Arlans» боксшылары 2018 жылдың бірінші шайқасын Қарағанды қаласында 10 ақпан күні «Indian Tigers» командасына қарсы өткізген болатын. Нәтижесінде арландықтар 4:1 есебімен жеңіске жеткен еді.