Астана атауы Президент Жарлығымен өзгереді - Әділет министрі
НҰР-СҰЛТАН. ҚазАқпарат – Астана атауы Президент Жарлығымен өзгереді. Бұл туралы ҚР Әділет министрі Қанат Мусин айтты, деп хабарлайды ҚазАқпарат тілшісі.
Парламент палаталарының бірлескен отырысынан кейін БАҚ өкілдері министрден астана атауын өзгерту процедурасының ретін сұрады.
«Қолданыстағы заңнамаға сәйкес, Конституцияда астана атауын өзгерту Президенттің Жарлығы арқылы жүзеге асырылады», - деп жауап берді Қанат Мусин.
Сонымен қатар ол алдағы уақытта елорда атауының өзгеру мүмкіндігіне қатысты да пікірін білдірді.
«Астана атауы ешқашан өзгертілмейтін нормаға жатпайды. Өзгеруі мүмкін», - деді ол.
